“Çox vaxt qançırlar xəsarət nəticəsində baş verir, lakin bəzən onların yaranması tamamilə fərqli bir səbəbdən olur”.
E-saglam.az xəbər verir ki, bu barədə gazeta.ru-ya müsahibəsində endokrinoloq Anna Rusanova danışıb.
Rusanova qeyd edib ki, qançır kapilyarların zədələndiyi yerdə çıxır:
“Bu zədənin nəticəsi və ya vitamin çatışmazlığının əlaməti ola bilər, xüsusilə B vitaminləri, C vitamini və ya kalsium. Bundan əlavə, K1 vitamini çatışmazlığı səbəbindən kiçik qançırlar görünə bilər. Bu vitamin qanın normal laxtalanması üçün lazımdır və onun çatışmazlığı bağırsaq mikroflorasının pozulmasını və ya böyrəklərin, qaraciyərin və öd kisəsinin xroniki xəstəliklərinin mövcudluğunu göstərə bilər”.
Endokrinoloq onu da bildirdi ki, heç bir səbəb olmadan qançırlar qanın laxtalanmasının azalması - trombositopeniya və ya kapilyar divarların kövrəkliyinə səbəb olan hemorragik vaskulit nəticəsində əmələ gəlir:
“Digər mümkün səbəb qanda stress hormonunun səviyyəsinin artmasıdır. Bu xəstəlikləri olan xəstələrdə bədəndə yalnız kiçik qançırlar deyil, həm də geniş hematomlar görünə bilər”. /yeniavaz.com
