Əkiz doğuşlar bəşər tarixində nadir və xüsusi bir hadisə hesab edilir. Keçmişdə əcdadlarımızın 60 milyon il əvvəl standart olaraq əkiz doğduğunu göstərən araşdırmalar mövcuddur. Bu gün isə dünya üzrə doğulan uşaqların yalnız 3%-i əkizdir.
E-saglam.az xəbər verir ki, son tədqiqatlara görə, 35 yaşdan yuxarı qadınların əkiz uşaq dünyaya gətirmə ehtimalı daha yüksəkdir.
Təkamülün təsiri
İnsanlar əsasən yalnız bir uşaq dünyaya gətirirlər. Bunun səbəbi, böyük kəllə sümüyü ilə dünyaya gələn uşağın ana üçün daha təhlükəsiz olması və resursların daha yaxşı bölüşdürülməsidir. Tək uşaq daşıyan hamiləlik, ananın enerjisini qoruyur və körpənin daha sağlam doğulma şansını artırır. Bu keçid milyonlarla il əvvəl baş vermiş və insanların təkamülündə mühüm rol oynamışdır.
Müasir dövrdə əkiz doğuşlar
Son 50 ildə köməkçi reproduktiv texnologiyaların inkişafı ilə Birləşmiş Ştatlarda əkiz doğumların sayı ikiqat artıb. Bununla belə, statistikalar göstərir ki, 35 yaşdan yuxarı qadınlarda əkiz doğum ehtimalı daha yüksəkdir. Bunun səbəbi, bu yaşda yumurtalıqlardan bir neçə yumurtanın eyni vaxtda sərbəst buraxılma ehtimalının artmasıdır.
Belə ki, əkiz doğuşlar bir zamanlar normadan sayıldığı halda, bu gün nadir hadisədir. Tədqiqatlar göstərir ki, 35 yaşdan sonra əkiz doğma ehtimalı artır. Bu, həm təbiətin öz qanunları, həm də müasir texnologiyaların təsiri ilə izah olunur. Əkizlərə sahib olmaq istəyənlər üçün 35 yaş mühüm bir mərhələ hesab edilir.
Tərcümə: Könül Oruc
