Saçınızı çox yüksək temperaturda yumaq həm saçınıza, həm də dərinizə zərər verə bilər.
E-saglam.az xəbər verir ki, stilist və saç baxımı mütəxəssisi Rossano Ferretti bu prosedur üçün ən yaxşı temperaturu izah edir.
Tədqiqatlar göstərir ki, isti duşlar qan təzyiqini yüksəldə bilər və dəri hüceyrələrini təbii nəmdən məhrum edə bilər ki, bu da dərinin soyulmasına, qaşınmasına və ekzema və sədəf kimi vəziyyətlərin pisləşməsinə səbəb olur.
Ekspertin fikrincə, ideal olaraq saçların yuyulması üçün suyun temperaturu 37 ilə 40,5 dərəcə arasında olmalıdır - bədən istiliyindən bir qədər yüksəkdir. Rossano Ferretti həmçinin şampun və kondisionerdən sonra saçlarınızı sərin su ilə yaxalamağı tövsiyə edir. Bu, saçlarınızda nəm saxlamağa və parıltı əlavə etməyə kömək edəcək.
Tərcümə: Könül Oruc
