Səhər yeməyi günün ən vacib yeməyi olsa da, düzgün seçimlər etmək vacibdir.
E-saglam.az-ın xarici mediaya istinadən verdiyi məlumata görə, arıqlama məşqçisi Tomas xəbərdarlıq edir ki, səhər yeməyində taxıl istehlak etmək sağlamlıq üçün zərərlidir, çünki onun yüksək şəkər və az protein tərkibi gün ərzində enerji azalmasına və qeyri-sağlam qəlyanaltı ehtiyacına səbəb ola bilər.
Tomas, yüksək zülal və liflə zəngin səhər yeməklərinə üstünlük verilməsini tövsiyə edir. Alternativ olaraq, bişmiş yumurta, meyvə salatı, smuzi və yulaf kimi sağlam seçimlər təklif edir.
Taxıl südlə istehlak edildikdə bəzi qida dəyərləri təmin etsə də, porsiya ölçülərinə diqqət yetirmək və balanslı qidalanma prinsiplərinə əməl etmək vacibdir.
Pəhrizlə bağlı düzgün qərarlar üçün mütəxəssislərlə məsləhətləşmək tövsiyə olunur. Bu, həm sağlamlıq risklərini azaltmaq, həm də günə enerjili başlamaq üçün əsas amildir.
Tərcümə: Könül Oruc
