Kakao dənələrinin qiyməti bir ton üçün 5,6 min dolları ötməklə yeni tarixi rekorda imza atıb.
E-saglam.az xəbər verir ki, bunu Londonun “ICE Futures” birjasında ticarət məlumatları sübut edir.
Mart ayı kakao fyuçerslərinin dəyəri bir ton üçün 5 625 dollara yüksəlib ki, bu da əvvəlki günün bağlanış qiymətindən 3,97% çoxdur.
Yeni rekord əvvəlkindən cəmi bir həftə sonra qeydə alınıb. Hələ fevralın ikisində birjada kakao dənələrinin qiyməti 1977-ci ildən bəri ilk dəfə bir ton üçün beş min dolları ötüb.
Bildirilib ki, qiymət artımının səbəbi kakao dənələrinin qlobal qıtlığıdır. Beynəlxalq Kakao Təşkilatının (ICCO) analitiklərinin fikrincə, 2024-cü ildə vəziyyət yaxşılaşmayacaq.
Bu fonda şokoladın qiymətinin qalxacağı gözlənilir. Mütəxəssislər xəbərdarlıq edirlər ki, əlavəsiz şokolad xüsusilə baha olacaq.
Mənbə: gazeta.ru / Oxu.az
