Diş əti qanaması çox vaxt laqeyd edilən, lakin ciddi sağlamlıq problemlərinə işarə edə bilən bir haldır.
E-saglam.az xəbər verir ki, bu, ağız infeksiyalarından sistem xəstəliklərinə qədər müxtəlif səbəblərdən qaynaqlana bilər.
Diş əti qanamasının əsas səbəbləri
-
Diş əti infeksiyaları: Diş daşı və bakterial lövhələr iltihaba və qanamaya səbəb ola bilər.
-
Sistem xəstəlikləri: Şəkərli diabet, leykemiya və qan laxtalanma pozğunluqları diş ətinə mənfi təsir göstərir.
-
Hormonal dəyişikliklər: Hamiləlik, yeniyetməlik və menopoz dövrlərində diş ətində həssaslıq və qanaxma müşahidə olunur.
-
Ağız quruluğu: Ağızdan nəfəs almaq tüpürcək istehsalını azaldaraq bakteriyaların yığılmasına və diş əti infeksiyalarına səbəb olur.
-
Siqaret və alkoqol: Siqaret qan dövranını zəiflədir, alkoqol isə ağız quruluğuna və iltihaba gətirib çıxarır.
Qorunma yolları
-
Ağız gigiyenası: Dişlərin mütəmadi fırçalanması və diş ipindən istifadə vacibdir.
-
Düzgün fırçalama texnikası: Diş ətindən dişlərə doğru süpürmə hərəkəti edilməlidir.
-
Ağız qarqaraları və irriqatorlar: Bakteriyaların qarşısını almaq üçün ağız gigiyenasına kömək edir.
-
Müntəzəm diş müayinələri: Diş daşı təmizliyi və erkən diaqnostika sağlam diş ətini qorumağa kömək edir.
Diş əti qanaması gözardı edilməməli və erkən müdaxilə ilə ciddi sağlamlıq problemlərinin qarşısı alınmalıdır.
Tərcümə: Könül Oruc
