"2025-ci ilin ilk 3 ayında kosmetoloji iş üzrə xidmət göstərən 15 özəl tibb müəssisəsində aparılan yoxlamalar nəticəsində 15 müəssisədə nöqsanlar aşkar edilib və İnzibati Xətalar Məcəlləsinin (İXM) 210.1-ci maddəsi üzrə 11, 215.1-ci maddəsi üzrə iki, 215.1-ci və 215.4-cü maddələri üzrə iki protokol tərtib edilib".
E-saglam.az bildirir ki, bu barədə Oxu.Az-ın sorğusuna cavab olaraq Səhiyyə Nazirliyi Analitik Ekspertiza Mərkəzindən (AEM) məlumat verilib.
Bildirilib ki, 2024-cü ildə kosmetoloji iş üzrə xidmət göstərən 30 özəl tibb müəssisəsinin 16-da nöqsanlar (İXM-in 210.1-ci bəndi ilə - 10, 215-ci bəndi ilə - iki, 215.4-cü bəndi ilə - bir, və 215.4-cü bəndi ilə - üç pozuntu) aşkar edilib.
"Vətəndaşlara bir daha xatırladırıq ki, özəl tibb müəssisələrində və aptek təşkilatlarında üzləşdikləri hər hansı problemlə bağlı AEM-in "bir pəncərə" sistemi, qaynar xətti (012 596 05 20), [email protected] elektron ünvanı və ya pharma.az saytının MÜRACİƏT bölməsi vasitəsilə bizə müraciət edə bilərlər. Bu halda araşdırılma aparılır və lazım gələrsə, plandankənar yoxlamanın keçirilməsi barədə qərar qəbul edilir", - deyə məlumatda bildirilib.
