Bu günədək azad edilmiş ərazilərdə 82 həkim və orta tibb işçisi işlə təmin olunub.
E-saglam.az xəbər verir ki, bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.
Bildirilib ki, hazırda bu ərazilərdə TƏBİB-in tabeliyində ümumilikdə beş xəstəxana, yeddi Ailə Sağlamlıq Mərkəzi (ASM), iki həkim məntəqəsi, bir poliklinika fəaliyyət göstərir.
Qeyd olunan müəssisələrdə ümumilikdə 27 həkim və 55 orta tibb işçisi çalışır.
Laçın Mərkəzi Rayon Xəstəxanasında 8 həkim, 9 orta tibb işçisi, Laçın Ailə Sağlamlıq Mərkəzində isə 5 həkim, 6 orta tibb işçisi xidmət göstərir. Şuşa Modul Tipli Xəstəxanada 5 həkim və 9 orta tibb işçisi çalışır. Xankəndi poliklinikasında isə 5 həkim və 12 orta tibb işçisi vətəndaşlara xidmət edir.
