Autizm halları son illərdə sürətlə artıb.
E-saglam.az xəbər verir ki, Uşaq Nevrologiyası Mütəxəssisi Dr. Afşin Dezhakam bildirir ki, 1985-ci ildə 2500 uşaqdan birində rast gəlinən bu pozuntu, hazırda hər 44 uşaqdan birində aşkar edilir. Oğlanlarda autizm qızlara nisbətən 4 dəfə çox görülür.
Mütəxəssis artımın əsas səbəbini autizmlə bağlı məlumatlılığın yüksəlməsi və erkən diaqnostika ilə əlaqələndirir. Autizmin sosial ünsiyyət problemləri və təkrarlanan davranışlarla müşayiət olunduğunu vurğulayan Dezhakam, ailənin rolunun əhəmiyyətini qeyd edib.
Araşdırmalar multivitaminlərin autizmə birbaşa təsirini sübut etməsə də, D vitamini səviyyəsi yüksək olan uşaqlarda autizm əlamətlərinin azaldığı müşahidə edilib.
Tərcümə: Könül Oruc
