Həkim Anna Qayduk hamam və saunaların ürək-damar sistemi üçün faydalı olub-olmadığını açıqlayıb.
E-saglam.az xəbər verir ki, o, sağlam ürək üçün buxar otağının orta fiziki fəaliyyətə bərabər olduğunu vurğuladı. Yüksək temperatur ürək döyüntüsünü artırır, qan dövranını yaxşılaşdırır və bütün orqan və toxumalara qan axınını yaxşılaşdırır.
"Ümumiyyətlə, müntəzəm sauna istifadəçilərində infarkt və insult riski daha azdır. İsti buxarla sərtləşən qan damarları daha elastik və hipoksiyaya davamlı olur", - deyə ekspert bildirib.
Eyni zamanda, həkim onu da qeyd edib ki, mövcud ürək-damar xəstəlikləri (arterial hipertenziya, miokard infarktı və s.) olan insanlar üçün sauna vəziyyəti daha da pisləşdirə bilər.
Tərcümə: Könül Oruc
