Şirinlik yalnız bədən quruluşuna zərər vermir, həm də idrak funksiyasına mənfi təsir göstərir, neyron əlaqələrini zədələyir, diqqəti azaldır və yaddaşı zəiflədir.
E-saglam.az xəbər verir ki, bioloq İrina Lyalina bildirib ki, bir çox insan zehni fəaliyyət üçün enerjiyə ehtiyac duyduqda şirniyyatlarla "doldurulmağa" öyrəşib. Həqiqətən də, şəkər istehlakı 10-15 dəqiqə davam edən qısamüddətli enerji artımı təmin edir. Lakin bunun bir qiyməti var.
Bioloq izah etdi ki, qanda həddindən artıq qlükoza mədəaltı vəzinə təsir göstərir, beyindəki neyron əlaqələrini zədələyir, idrak qabiliyyətlərinə mənfi təsir göstərir, diqqəti azaldır və yorğunluğa səbəb olur.
Xroniki olaraq yüksək qan şəkəri səviyyəsi beyin hüceyrələrinin insulinə həssaslığını azaldır ki, bu da yaddaş və düşüncə pozğunluğuna səbəb ola bilər. Bundan əlavə, bədəndə artıq qlükoza yeni neyron əlaqələrinin əmələ gəlməsindən məsul olan BDNF zülalının istehsalını azaldır.
Lyalina vurğuladı ki, şəkər onun səviyyəsini aşağı salır və öyrənmə qabiliyyətinə mənfi təsir göstərir.
Digər bir mənfi mexanizm beyin sağlamlığı üçün vacib olan omeqa-3 yağ turşularının məhv olmasıdır. Nəticədə, idrak qabiliyyətləri, düşüncə və yaddaş pozulur.
Beyninizin sağlam qalması üçün mütəxəssis qida rasionunuza sağlam yağlarla zəngin qidalar, xüsusən də yağlı balıq daxil etməyi tövsiyə edir. Şirniyyatlardan imtina edə bilməyənlər üçün isə tünd şokolad daha yaxşı seçimdir.
Tərcümə: Könül Oruc
