Səhər oyanmaq çox çətin ola bilər. Xüsusilə gec və ya narahat yatmısınızsa. Sadə bir hiylə sizə sağlam yatmağa və daha asan oyanmağa kömək edəcək. Limon eyni anda iki problemi həll edə bilər - yuxunu sağlam və dərin etmək, həmçinin səhər oyanmağı asan və xoş hala gətirmək.
E-saglam.az xarici KİV-ə istinadən xəbər verir ki, mütəxəssislər sadə bir limon hiyləsinin sizə erkən qalxma çətinliyini aradan qaldırmağa və səhərlər özünü daha ayıq hiss etməyə kömək edə biləcəyini vurğulayıblar.
Yatağınızın yanına dilim və ya kublara kəsilmiş yarım limon qoyun. Sitrus meyvələrinin aroması günə daha asan başlamağa kömək edir və yuxunun keyfiyyətinə faydalı təsir göstərir.
Mütəxəssislər izah edirlər ki, səhərlər limon qoxusu oyandığınız zaman özünüzü yaxşı hiss etməyə kömək edən hormonu olan serotonin istehsalını stimullaşdırır. Axşam isə çarpayının yanındakı limon tez yuxuya getməyə kömək edir. Mütəxəssislər vurğulayırlar ki, onun neyrotransmitterlərin istehsalını stimullaşdıran efir yağlarının aroması sakitləşdirici və rahatlaşdırıcı təsir göstərir.
Limonun tərkibindəki uçucu birləşmələri tənəffüs etməyin də sinuslara antibakterial təsir göstərdiyi, immunitet sisteminə müsbət təsir etdiyi və astmada tənəffüs yollarını dəstəklədiyi bildirilib.
Yeri gəlmişkən, limonun digər yarısını səhərlər təmiz qazsız suya sıxıb acqarına içə bilərsiniz. Bu da sizə güc qatacaq və içkidən müntəzəm istifadə etməklə immunitetiniz güclənəcək, maddələr mübadiləsi sürətlənəcək, qaraciyərin fəaliyyəti yaxşılaşacaq və dəriniz gözəlləşəcək./ Lent.az
