ABŞ-da aparılan bir araşdırmaya görə, erektil disfunksiya dərmanı Viagra (aktiv maddəsi sildenafil) Alzheimer xəstəliyinin riskini 60 faiz azalda bilər.
E-saglam.az xəbər verir ki, alimlər, dərmanın Alzheimer xəstəliyinə səbəb olan fermenti blokladığını və beyin sağlamlığını yaxşılaşdırmağa kömək etdiyini bildiriblər.
Araşdırma nəticələri
Nyu-Yorkdakı Mount Sinai Tibb Mərkəzində aparılan tədqiqatda, 27 mindən çox 65 yaş və yuxarı insanın nəticələri müqayisə edilib. Viagra istifadə edən kişilərdə Alzheimer riski 62%, qadınlarda isə 47% daha az olub.
Təhlükələr və xəbərdarlıq
Bəzi mütəxəssislər, Viaqranın şüursuz istifadəsinin geri dönməz sağlamlıq problemlərinə səbəb ola biləcəyini vurğulayıblar. Bu səbəbdən, həkimə müraciət etmədən dərman istifadəsi tövsiyə edilmir. Həmçinin, yüksək dozada Viagra qəbul etmək, göz və digər həssas orqanlarda zərər verə bilər.
Alzheimer xəstəliyi haqqında
Alzheimer, yaddaş itkisi, koqnitiv qabiliyyətlərin azalması və şəxsiyyət dəyişiklikləri ilə müşayiət olunan bir neyrodegenerativ xəstəlikdir. Xəstəliyin səbəbləri hələ tam məlum deyil, lakin genetik və ətraf mühit faktorları rol oynayır.
Müalicə və dəstək
Alzheimerin müalicəsi tam mümkün deyil, amma simptomları yüngülləşdirmək və xəstəliyin gedişatını yavaşlatmaq üçün dərmanlar mövcuddur. Erkən diaqnoz və doğru müalicə ilə xəstələrin həyat keyfiyyəti yaxşılaşa bilər.
Tərcümə: Könül Oruc
