Kimçi Koreya mətbəxində ən məşhur qıcqırdılmış kələm yeməyidir və son illərdə sağlam qidalanma tendensiyaları arasında öz yerini tutub. Ancaq türklər ümumiyyətlə bu sağlam qidaya üstünlük vermirlər. Mütəxəssislər vurğulayırlar ki, kimçinin arıqlamağınıza və gənc qalmağınıza kömək edən bir çox faydası var.
E-saglam.az xəbər verir ki, kimçi, əsasən fermentasiya olunmuş kələm və digər tərəvəzlərdən hazırlanan ənənəvi Koreya yeməyidir. Fermentasiya prosesi nəticəsində kimçi probiotiklərlə zənginləşir və bu, onun sağlamlıq üçün bir çox faydalar təmin etməsinə səbəb olur.
Kimçinin sağlamlığa faydaları:
İmmunitet sisteminin gücləndirilməsi: Kimçinin tərkibində olan probiotiklər, xüsusilə Lactobacillus plantarum bakteriyası, immunitet sistemini dəstəkləyir və iltihabi prosesləri azaldır.
Ürək sağlamlığının dəstəklənməsi: Kimçi xolesterol səviyyəsini tənzimləməyə və iltihabı azaltmağa kömək edir, bu da ürək xəstəlikləri riskini azaldır.
Yaşlanma prosesinin yavaşladılması: Araşdırmalar göstərir ki, kimçi hüceyrə ömrünü uzadaraq yaşlanma prosesini ləngidə bilər.
Arıqlamağa dəstək: Kimçinin tərkibindəki probiotiklər və liflər həzm sistemini yaxşılaşdırır və maddələr mübadiləsini sürətləndirir, bu da arıqlama prosesinə kömək edir.
Türkiyədə kimçi dadına görə bəzən "pis" olaraq xarakterizə edilsə də, Koreyada və digər ölkələrdə sağlamlıq faydalarına görə yüksək qiymətləndirilir. Mütəxəssislər kimçinin müntəzəm istehlakını tövsiyə edirlər.
Tərcümə: Könül Oruc
