“İştah azaldan dərman vasitələrinin qəbulu faydasızdır”.
E-saglam.az xəbər verir ki, bunu Səhiyyə Nazirliyinin mütəxəssis-eksperti, uşaq endokrinoloqu Azad Əkbərzadə deyib.
Endokrinoloqun sözlərinə görə, həkim məsləhəti olmadan bu cür dərman qəbulu məsləhət görülmür:
“Çünki mütəxəssis tərəfindən doza təyin edilə bilər. İnsanlar adətən sosial şəbəkədə reklam olunan və mənşəyi məlum olmayan həblər və ya bitki çaylarından istifadə edirlər. Ola bilər kimsə müəyyən qədər çəki ata bilər, amma bunu kütləvi şəkildə nümunə göstərə bilmərik”.
