"İstər açıq havada, istərsə də qapalı idman zallarında, hər ikisində idman etmək ürək üçün faydalıdır" .
Bu sözləri E-saglam.az-a açıqlamasında kardioloq Üzeyir Rəhimov deyib.
Onun sözlərinə görə, açıq havadakı idmanın bəzi üstünlükləri var:
"Bunlardan ən önəmlisi və birincisi, təzyiq və nəbzi aşağı salır ki, bu bizim ürəyimizi əlavə yükdən qurtarır.
İkincisi, yorğunluğumuzu azaldır, bu havadakı oksigenlə əlaqədardır. Unutmayın ki, bir çox dünya rekordları açıq havada qırılır.
Üçüncüsü, yuxumuzu düzəldir.
Dördüncüsü, açıq havada idman etdiyimiz zaman günəş şüasını görmək şansımız olur. Günəş şüası isə bizə həm D vitamini, həm də əhval-ruhiyyəmizi düzəltmək şansı verir.
Beşincisi isə, işlərimizin çox olduğu həyat şəraitində vaxt qənaətinə səbəb olur.
Hansı yolla olursa-olsun idman edin".
Könül Oruc
