Nevroloq Anna Koptseva deyir ki, qan təzyiqinə nəzarət insultdan qorunmanın əsas üsullarından biri olaraq qalır.
E-saglam.az xəbər verir ki, o, news.ru ilə söhbətində təhlükəli vəziyyəti təhdid edən qan təzyiqi göstəricilərini adlandırıb.
Koptsevanın fikrincə, özünüzü yaxşı hiss etsəniz və baş ağrısı, yorğunluq və ya yuxu pozğunluğu, yəni hipertoniya əlamətləri olmasa belə, istirahətdə qan təzyiqinin 140/90 millimetr civədən yuxarı qalxması həkimə müraciət etmək üçün səbəb olmalıdır. "Dünya praktikası göstərir ki, sadəcə olaraq qan təzyiqinin səviyyəsini izləməklə insult riskini 50 faiz azaltmaq olar", - nevroloq izah edib.
O qeyd edib ki, arterial hipertenziya insult ehtimalını əhəmiyyətli dərəcədə artırır və nə hiss etməsindən asılı olmayaraq hər kəs üçün qan təzyiqinin müntəzəm ölçülməsi lazımdır. Koptseva həftədə ən azı bir dəfə qan təzyiqini ölçməyi tövsiyə etdi.
Tərcümə: Könül Oruc
