Vitamin D insan orqanizminin ən çox tələbatı olduğu vitaminlərdən biridir.
E-saglam.az qida eksperti Fərid Səfərovun yazısını təqdim edir.
Vitamin D çatışmazlığı sümük-əzələ ağrılarına, ürək döyüntüsünün artmasına, depressiv hallara, yorğunluq, tərləmə, saç tökülmələri, dırnaqlarda qırılmalar, immun sisteminim zəifləməsinə səbəb olur.
Bütün bu problemlərin qarşısını almaq üçün günəş şüası qəbul etmək asan və təhlükəsiz bir yoldur. Təbii ki, bu mövsümə, günün vaxtına, yaşa, dərinin növünə görə dəyişir. Eyni zamanda gündəlik Vitamin D ehtiyacının 20%-ni qidalarla da qəbul edə bilərik.
Aşağıdakı qidaların tərkibində Vitamin D mövcuddur:
- süd və süd məhsulları.
- yağlı balıq və dəniz məhsulları.
- yumurta.
- portağal suyu kimi təbii meyvə şirələri.
- cəfəri və s.
Vitamin D orqanizmin kalsium və fosfor tənzimlənməsində, sinir və ürək damar sisteminin qorunmasında vacib rol oynayır. Əlavə olaraq immun gücləndirici, iltihab əleyhinə və antioksidant təsirləri vardır.
Xüsusilə, payız, qış və yaz fəslində Vitamin D çatışmazlığı artır. Ona görə də bu dövrdə diqqətli olmaq, Vitamin D səviyyəsini yoxlatdırmaq lazımdır. Ona uyğun qidalanmaq, açıq havalarda gəzmək yaxşı təsir edəcəkdir.
