Günorta yeməyindən sonra gələn yuxu ilə bağlı araşdırma aparılıb.
E-saglam.az xarici KİV-ə istinadla xəbər verir ki, tədqiqat Texas Ştat Universitetində baş tutub.
Araşdırma zamanı 58 könüllüyə müxtəlif problemlər və onların həlli yolları təqdim edilib.
Bundan sonra isə könüllülərə eyni yolla həlli mümkün olan fərqli problemlər tapşırılıb. Lakin ikinci dəfə problemlər deyiləndə həll yolları onlara bildirilməyib.
Problemi həll edə bilməyən şəxlərə 2 saatlıq yuxu fasiləsi verilib.
28 nəfər yuxuda olan zaman digər 30 nəfər oyaq qalıb.
Yuxudan ayılan şəxlərin heç yatmayanlarla müqayisədə problemləri daha sürətli həll etdiyi üzə çıxıb.
Araşdırma nəticəsində məlum olub ki, günortadan sonra yatmaq beynin problemləri həll etmə qabiliyyətinə müsbət təsir göstərir. Belə ki, araşdırmada iştirak edən şəxslərin günorta yuxusundan sonra problemləri daha sürətli və effektiv şəkildə həll etməsi müşahidə edilib.
Xüsusilə bu müddətdin beynimizin yuxu görmə mərhələsi olaraq tanınan REM yuxusunun daha yaxşı keçməsin təmin edir. Bu da daha çətin problemlərin həllində kritik rol oynayır və həmin idrak prosesinə "analoji problem həlli" də deyilir. (Ölkə.az)
