Ərik yaz mövsümünün ən sevilən meyvələrindəndir.
E-saglam.az xəbər verir ki, bəzi insanlar onu daha da ləzzətli etmək üçün üzərinə duz səpib yeyirlər. Bəs bu vərdiş sağlamlıq üçün nə qədər doğrudur?
1. Qan təzyiqinin artmasına səbəb ola bilər
Ərik təbii olaraq kaliumla zəngindir və bu, təzyiqi tənzimləməyə kömək edə bilər. Lakin üzərinə duz əlavə edildikdə, bu fayda əks təsir göstərə bilər. Duzun tərkibindəki natrium bədəndə su tutulumunu artıraraq qan təzyiqinin yüksəlməsinə səbəb ola bilər. Xüsusilə təzyiq problemi olanlar üçün risklidir.
2. Böyrəkləri yükləyə bilər
Duzlu ərik tez-tez istehlak edildikdə böyrəklərin iş yükü artır. Duz artıq olduqda böyrəklər onu bədəndən atmaq üçün daha çox çalışır və bu, uzun müddətdə böyrək funksiyalarını zəiflədə bilər.
3. Mədə turşusunu artıra bilər
Ərik özü turş meyvədir. Duzla birlikdə yeyildikdə mədə turşusunu daha da artırır və bu, qıcqırma, yanma və ya reflü kimi problemlərə səbəb ola bilər. Həssas mədəyə malik insanlarda bu daha çox hiss olunur.
4. Bədəndə su itkisini sürətləndirə bilər
Ərik sidikqovucu təsirə malikdir. Duzla birlikdə qəbul edildikdə orqanizmdə su itkisi daha da artır. Bu da susuzlaşma, halsızlıq və elektrolit pozğunluqlarına səbəb ola bilər, xüsusən də isti yay günlərində.
Ərik özlüyündə çox faydalı bir meyvədir. Vitamin A, C, kalium və liflə zəngindir. Amma duzla birlikdə həddindən artıq istehlakı sağlamlıq üçün bəzi risklər yarada bilər. Dad üçün bəzən az miqdarda istifadə etsəniz belə, bunu vərdiş halına gətirməmək tövsiyə olunur.
Ən yaxşısı – əriyi təbii və duzsuz şəkildə istehlak etməkdir. Beləliklə həm onun ləzzətindən, həm də faydasından maksimum dərəcədə yararlanmaq mümkündür.
Könül Oruc
