Bu məhsulu səhər yemək olmaz

Səhər yeməyində meyvəli yoqurt yemək sağlamlıq üçün arzuolunmaz təsirlərə səbəb ola bilər. 

E-saglam.az xəbər verir ki, bu sözləri diyetoloq Yekaterina Matışkina deyib. 

Mütəxəssisin sözlərinə görə, bir çoxları səhərlər qatıq yeməyin sağlamlığa fayda verəcəyinə inansalar da, bu, yanlış fikirdir. Bir qayda olaraq, belə məhsullarda meyvə və ya dənli bitkilər var, yəni şəkər də var.

Matışkina “Sputnik” radiosuna müsahibəsində deyib: “Əgər siz şəkər əlavə edilmiş yoqurt yeyirsinizsə, qanda şəkərin səviyyəsi sürətlə yüksələcək, sonra isə sürətlə azalacaq”.

Diyetoloq qeyd edib ki, meyvəli yoqurtla səhər yeməyindən sonra qəlyanaltılar edəcəksiniz və bu, çəki artımına səbəb ola bilər. Ancaq bu vəziyyətdə daha təhlükəli olan qanda şəkərin səviyyəsinin kəskin yüksəlməsi və düşməsidir ki, bu da “insulin yelləncəkləri” kimi bir fenomenə səbəb ola bilər.