Alimlər müəyyən ediblər ki, qabyuyan maşında plastik qabların yuyulması demans və digər ciddi xəstəliklər riskini artıran təhlükəli mikroplastikləri buraxa bilər.
E-saglam.az xəbər verir ki, aparılan araşdırma nəticəsində məlum olub ki, plastik boşqablar, qablar və bıçaqlar hər qabyuyan maşında bir milyona qədər mikrohissəcik buraxır. Bu hissəciklər o qədər kiçikdir ki, qan-beyin baryeri də daxil olmaqla, bioloji maneələri keçə bilər və beyinə mənfi təsir göstərmə ehtimalını artırır.
Demansdan əlavə, mikroplastiklər xərçəng, ürək xəstəliyi və reproduktiv problemlər riski ilə əlaqələndirilir. Elm adamları hesab edirlər ki, bir il ərzində bədəndə 6 mq-a qədər mikroplastik toplana bilər - təxminən bir düyü dənəsinin dörddə biri.
Hissəciklərin buraxılmasının əsas səbəbləri qabyuyan maşında yüksək temperatur, həmçinin kimyəvi və aşındırıcı təsirlərdir.
Kvinslend Universitetindən Dr Elvis Okoffo, "Hətta qabların yuyulması kimi gündəlik məişət fəaliyyətləri də ətraf mühitə ciddi təsir göstərə bilər", -dedi.
Könül Oruc
