PFAS kimyəvi maddələri insan sağlamlığı üçün ciddi risk yaradır.
E-saglam.az xəbər verir ki, bu maddələr bədəndə uzun müddət toplanaraq böyrək xərçəngi, sonsuzluq və qan dövranı problemlərinə səbəb ola bilər. Onlar əsasən qida qablaşdırmalarında, suya davamlı parçalarda və mətbəx əşyalarında tapılır.
PFAS sintetik kimyəvi maddələr olub, parçalanmadan ətraf mühitdə və orqanizmdə uzun müddət qala bilər. Xüsusilə tekstil, suya davamlı və ləkəyə davamlı məhsullarda geniş istifadə olunur. Qablaşdırılmış qidalar və çirklənmiş içməli su da PFAS-a məruz qalma riskini artırır.
Mütəxəssislər bu maddələrdən qorunmaq üçün təbii məhsullara üstünlük verməyi, qida qablaşdırmalarından uzaq durmağı və aktivləşdirilmiş kömür süzgəclərindən istifadə etməyi tövsiyə edirlər. Teflon qablardan imtina edib polad və ya çuqun mətbəx əşyalarına keçmək də PFAS təsirini azaltmağa kömək edə bilər.
Tərcümə: Könül Oruc
