Paytaxtın Nəsimi rayonu ərazisindəki Koroğlu parkının yaxınlığında yerləşən dayanacaqların birində azyaşlını elektrik cərəyanı vurmasının təfərrüatı məlum olub.
İddialara görə, hadisə uşaq oturacağa əyləşən zaman baş verib. Dayanacaqda quraşdırılmış monitora bağlanan elektrik naqillərindən gələn cərəyan azyaşlının xəsarət almasına səbəb olub.
“Parkda oturmuşdum. 2 qadın və 3-4 balaca uşaq dayanacağa yaxınlaşdı. Qışqırıq səsi eşitdik, hamı gəlib toplaşdı. Gördüm ki, uşaq yıxılıb, anası ona kömək edir. AYNA-nın işçiləri yaxınlaşıb burada elektrik cərəyanı olduğunu dedilər”, – hadisə şahidi Elmar Poladxanov Baku TV-yə açıqlamasında deyib.
