Sarıkök (turmeric) — mətbəxdə geniş istifadə olunan ədviyyat olmaqla yanaşı, həm də sağlamlıq baxımından çox faydalı təsirləri ilə tanınır.
E-saglam.az xəbər verir ki, araşdırmalar nəticəsində məlum olub ki, onun əsas aktiv maddəsi kurkumin güclü iltihab əleyhinə və antioksidant xüsusiyyətlərə malikdir və onun insan bədəni üçün faydaları çoxdur. Aşağıda həmin faydalarını bəzilərini sizə təqdim edirik:
Sarıkökün insan bədəninə faydaları:
İltihab əleyhinə təsir – oynaq ağrılarında, artritdə və iltihabi xəstəliklərdə şikayətləri yüngülləşdirə bilər.
Antioksidant qoruma – sərbəst radikallarla mübarizə apararaq hüceyrələrin zədələnməsinin qarşısını alır.
Həzm sisteminə fayda – qaraciyərin fəaliyyətini dəstəkləyir, öd axını yaxşılaşdırır və həzmi asanlaşdırır.
Ürək-damar sağlamlığı – xolesterini aşağı salmağa, damarların elastikliyini qorumağa və qan dövranını yaxşılaşdırmağa kömək edə bilər.
Beyin funksiyalarını dəstəkləmə – yaddaşı və diqqəti gücləndirə, neyrodejenerativ xəstəliklərin riskini azalda bilər.
Mədə-bağırsaq traktına təsir – qaz, köp və həzm pozğunluqlarını yüngülləşdirə bilər.
İmmuniteti gücləndirmə – bədənin infeksiyalara qarşı müqavimətini artırır.
Dəri sağlamlığı – sızanaq və iltihabi dəri problemlərinə qarşı müsbət təsir göstərə bilər.
Qeyd edək ki, sarıkök faydalı olsa da, yüksək dozalarda uzun müddət istifadəsi qaraciyərə və öd kisəsinə mənfi təsir göstərə bilər.
Ona görə də gündəlik istifadə adətən 1–2 çay qaşığı toz halında və ya həkim məsləhəti ilə kapsul şəklində məsləhət görülür.
Nəzrin Abbas
E-saglam.az
