Sosial mediada sürətlə yayılan məşq videoları şüursuz şəkildə tətbiq olunarsa onurğa sağlamlığını ciddi şəkildə zədələyə bilər.
E-saglam.az xəbər verir ki, fiziki təbabət və reabilitasiya mütəxəssisi Gökhan Özkoçak səhv edilən hərəkətlərin sinirlərin sıxılmasına, əzələ yırtılmasına və hətta cərrahi müdaxilə tələb edən onurğa xəstəliklərinə səbəb ola biləcəyini bildirib. Xüsusilə, şüursuz ağırlıq qaldırma və nəzarətsiz məşq onurğa sütununa həddindən artıq yük qoyaraq yaralanmalara səbəb ola bilər.
İnsanların məşq etməzdən əvvəl onurğa sağlamlığını qiymətləndirməsi lazım olduğunu vurğulayan Dr. Özkoçak, "Onurğadakı struktur pozğunluqları görməməzlikdən gəlmək ciddi nəticələrə səbəb ola bilər. İdmana başlamazdan əvvəl peşəkar bir bədən tərbiyəsi proqramı təyin edilməli, əzələlər və oynaqlar məşqə hazırlanmalıdır."
Sağlam həyat üçün nizamlı fiziki fəaliyyətin əhəmiyyətinə toxunan Dr.Özkoçak şüurlu davranmağın həyati əhəmiyyət daşıdığını qeyd etdi. Həftədə ən az 2-3 dəfə orta intensivlikli məşqləri və onurğa sütununu dəstəkləyən hərəkətləri tövsiyə edən mütəxəssis xüsusilə ağır məşqlər etməyi planlaşdıran şəxslərin hərəkətə keçməzdən əvvəl mütləq mütəxəssislə məsləhətləşmələri lazım olduğunu bildirib.
Tərcümə: Könül Oruc
