Xərçəng xəstələri xərçəng şişlərini məhv edən immun hüceyrələrinin sayını artıra bilər.
E-saglam.az xəbər verir ki, "Frontiers in Immunology" jurnalında dərc olunan bir araşdırma buna nail olmaq üçün 30 dəqiqəlik məşqin kifayət etiyini göstərir.
Təcrübədə müalicədən əvvəl döş xərçəngi olan 20 xəstə iştirak edib. Onlardan 30 dəqiqə ərzində idman velosipedini aktiv şəkildə pedal çevirmələri istənilib. Müqavimətin gücünü özləri seçə bilərdilər.
Qan testi, iştirakçılarda məşqdən sonra xərçəngi öldürən hüceyrələrin nisbətinin artdığını göstərib. Ağ qan hüceyrələri və ya leykositlər immunitet sisteminin bir hissəsidir. Onların alt tiplərindən biri xərçəng şişlərini məhv edir, digərləri isə müəyyən şərtlər altında xərçəngin böyüməsini təşviq edir. Təlimdən sonra ikincilərin sayı bəzi iştirakçılarda azalıb, digərlərində isə dəyişməyib.
Tapıntıların xərçəngdən sağalma şansına necə təsir edəcəyi məlum deyil. Bununla belə, nəticələr əvvəlki tədqiqatların nəticələrinə uyğundur. Fiziki fəaliyyətin bütün xərçəng xəstələri üçün faydalı olduğunu göstəriblər.(Hit.az)
