Rəyini öyrəndiyimiz bütün valideynlər məktəblərin açılması ilə bağlı qərarın tez verilməsini istəyirlər. Çünki zaman onlar övladları üçün məktəb ləvazimatları alıb-almayacaqları barədə qərar verməkdə çətinlik çəkirlər.
Satıcılar isə mövcud vəziyyətlə bağlı əvvəlki illərə nisbətən satışın azaldığını deyirlər.
Yeni tədris ilinin başlanması ilə bağlı Təhsil Nazirliyindən "Xəzər Xəbər"ə bildirilib ki, vəziyyət təhlil olunur, bu sahədə aparıcı beynəlxalq qurumların tövsiyələri araşdırılır və uyğun fəaliyyət istiqamətləri müəyyən ediləcək. Tədrisin bütün pillələri üzrə hansı tarixdə və formada təşkili ilə bağlı qəbul ediləcək qərarlara dair yaxın günlərdə ətraflı məlumat veriləcək.
