Britaniyalı Con Tinnisvud dünyanın ən yaşlı insanıdır. O, sağlam qalmasına kömək edən dörd qaydanı açıqlayıb.
E-saglam.az xəbər verir ki, Ginnesin Rekordlar Kitabına görə, 114 yaşlı Xuan Visente Peresin (Venesuela) ölümündən sonra 111 yaşlı kişi dünyanın ən yaşlı insanı sayılır. O, 26 avqust 1912-ci ildə - "Titanik"in batdığı il Liverpulda anadan olub. İndi o, Southportdakı qocalar evində yaşayır.
Con Tinnisvud ona uzunömürlülük bəxş edən müəyyən vərdişlərə əməl edir. Siqaret çəkmir, nadir hallarda spirtli içki qəbul edir, mütəmadi olaraq dostları ilə ünsiyyət qurur və müsbət münasibət bəsləyir.
Bununla belə, Tinnisvud qocalığını sadəcə olaraq “təmiz şans”la əlaqələndirir.
Ya uzun ömür yaşayırsan, ya da qısa ömür yaşayırsan və bununla bağlı edə biləcəyin çox az şey var.
Tərcümə: Könül Oruc
